وين كنا.. ووين صرنا؟

اليوم وانا اكتب هالبوست... ماقدرت الاقي ولا كلمه واحده اعبر فيها عن الانحطاط اللي للأسف بعض الأماكن او بالأحرى اغلب اماكن ديرتنا وصل إليه الحال... ولاحتى قدرت اسطر سطر واحد في هذا الموضوع بدون ما يحتر قلبي واتحسر

مستوى الإعلام بالكويت كل ماله وينحط زياده.. وكل مالها قنواتنه تزيد ملاقه وهلاقه بنفس الوقت... ياجماعه والله هالأماكن مايحتاج لها واسطات وأوادم مو فاهمه.. هذي واجهة ديره كامله والإعلام له دور كبير عالجمتمعات

وين أيام المذيعين السنعين.. راحت؟؟؟ وين راحت وليش؟ شنو كان متوفر قبل الحين مو متوفر؟ ماعتقد تغير شي غير الواسطات زادت والذمم نامت

أحد اقربائي من الدرجه الأولى يحمل شهادة الماجستير.. وتم توظيفه بوزارة الصحه عالبكالريوس وقاطينه بدوره مع حملة شهادة الدبلوم!! لأنه ماعرف جم سعره حراريه موجوده اب عصير ربيع برتقال!! والله اني ما اجذب ولا اتطنز.. بالحرف الواحد قالوله انت ماتعرف كم سعره حراريه بالمنتجات الغذائيه الخليجيه.. فقطوه مع دورة دبلوم وهو يحمل الماجستير!! مع العلم بأنه موقعه ما يلزمه بمعرفة السعرات الحراريه للمنتجات الغذائيه

مستوى المجلس.. لا يختلف فيه اثنان انه منحط واسوء مستوى منذ عهد بعيد.. ونسمع ونشوف كل يوم اشياء غريبه عجيبه من هالمجلس الحالي.. طبعا ليس من الكل ولله الحمد.. للحين فيه ناس عندها ضماير ولكن هم قله تنعد عالأصابع
أداء الحكومه ومستوى الخدمات كل ماله وينحط.. المواطن صار مايدري وين أرضه من سماه.. وكل ما تسأل شخص عن أحوال الديره يقولك من سيئ الى أسوء؟ شصاير؟ وليش احنه صرنا جذي.. هل تغير شي وكان موجود بالماضي واحنه افتقدناه بالحاضر؟ ولا شاللي صاير ياجماعه؟

منو يذكر قبل ؟ لمن كان المجلس له هيبته والجلسات كانت من أحلى مايكون.. إلي كان حلمنا انه نروح القاعه ونقعد نستمع للاستجوابات اللي محاورها نفس العالم.. والطرح الراقي والاسلوب الجميل.. وين راحوا كل هالأمور؟

من متى صار عندنه البويه والجنس الثالث شي طبيعي ويتمشون بالشوارع ماخذين راحتهم؟ طبعا لا تغركم سلة سيف الداخليه عليهم.. حجي جرايد لا غير.. كل ما يصيدون واحد.. سبعين اتصال هاتفي يوصلهم ويطلعونه لاحول ولا قوه؟ وين راحت ايام قبل؟ ماكنا ندري عن هالسوالف بس كنا نسمع عنهم في بلدان اخرى

شاللي تغير ياجماعه ماني فاهم.. هل هو من تردي الحكومه؟ مع العلم بأنه الحكومه في بعض الاحيان تتخذ اجراءات صارمه؟ هل تغير المجلس؟ مع العلم انه المجلس ناقش عدة امور مماثله؟ انا اعتقد والله أعلم انه الغلط موجود وواضح.. ولكن اترك لكم الاجابه على هالتساؤلات اللي جميع المواطنين مرتابين منها

وبالنهايه اترككم مع أفشل قناة على وجه الأرض وافشل مذيع على وجه العالم.. والقناة التي أفشل ان اقول بأنها كويتيه للأسف..

الـــهــــم لــــا شـــــمـــاتـــــه