لقراء جريدة الوطن

السلام عليكم... طبعا هالموضوع ما يختص وايد بالسياسه ولكن الموضوع يستحق تقريبا لفت الانتباه.. لكل قراء جريدة الوطن...
تم نشر مقاله أو خبر في الفصحه الأولى بجريدة الوطن بتاريخ الأحد 20 يوليو 2008 بعنوان عريض وكبير... الشمس تشرق من المغرب!!!
صادف نزول هذا الخبر اني أدرس ماده هالكورس اسمها استرونومي.. تختص بدراسة الكواكب والنجوم وهالحركات البطاليه... طبعا اللي يدرسنا بروفوسور وعضو منتدب في وكالة ناسا... فشدني موضوع اللي كتبته جريدة الوطن..
طبعا اول ما دشيت المحاضره وانا رافع ايدي.. تقول طالب روضه صايد الاجابه بس عشان بناقشه بهالخبر بشوف صحه الخبر... الخبر يقول انه الشمس راح تشرق من المغرب على المريخ.. انا طبعا على نياتي.. طرحت عليه هالسؤال وطالبته بالاجابه... طبعا هو اول ما سمع هالخبر ضحك وتفاجأ بنفس الوقت.. قالي من وين جايب هالخبر؟؟
قلتله انكتب الخبر في جريده معروفه عندنا بالكويت وعندنا عالم فلكي لا يستهان به.. طبعا العم صالح العجيري أنكر هالخبر وقال يمكن ان كان فيه ناس عالمريخ يشوفون هالشي... بنفس المقال طبعا هالكلام وهذا ان دل انما يدل على انه عالم بمعنى الكلمه.وطبعا قال انه هذا الشي ماراح يصير الا اذا صار خلل بالنظام الشمسي.. وهذا اللي قاله البروفوسور حقي.... مو نفس اللي راز ويهه يم العم صالح العجيري بس عشان يتفلسف..
طبعا المدرس صكته البوهه لمن قلتله انه الجريده كاتبه انه وكالة ناسا للفضاء هي من جاء بهذا الخبر!!! قالي انا لازم اشوف هالجريده؟؟ قالي انت متأكد انها جريده ولا موقع بالانترنت كاتبين هالكلام؟؟ لنه مستحيل اصلا ناسا تصرح بمثل هالتصريح الغبي على كلامه...
ولمن جبتله الخبر مترجم... استنكر الموضوع وافتشلت وويهي صار طماط احمر خايس.. وقلت الله يالدنيا!!! جرايدنه وصلت فيها الدنائه والمهزله انها تطعن او اتدلس على وكاله عالميه بس عشان يجيلك واحد نفس هاللي راز ويهه يم العم صالح العجيري ويربطلك الموضوع بنظريه علميه ويقولك سرعة دوران المريخ ومادري شن وانه يستنكر قول وكالة ناسا.. أهم شي انه أهو يستنكر كلام وكالة عالميه .... ماقول اله الله يشافي كل مريض!!!!!!!

وهذا رابط المقال: http://alwatan.com.kw/Default.aspx?MgDid=652963&pageId=26

الـلــــهـــــم لا شــــمـــــــــاتـــــــه!!